काठमाडौं-आज फेरी कृष्ण वलि र रुपा मगर वलिको जोडीले मलाई रुवाए । तर यसपाली वास्तविक कृष्ण र रुपा हैन, नाटकका पात्र कृष्ण र रुपाले रुवाए । आदरणिय दर्शकबृन्दहरु नमस्कार..म शिशिर भण्डारी । राजधानीको दिल्ली बजारमा रहेको सर्वनाम थियटरमा मन्चन भैरहेको नाटक हेर्न कृष्ण र रुपासंगै हामी पुगेका थियौं । रुपाकृ शिर्षकको नाटकमा रुपा र कृष्णको पहिलो, भेट, प्रेम, बिवाह कृष्णको दुर्घटना र त्यसपछिको अवस्थाका पिडा र रुपाको साथलाई निकै सुन्दर ढंगले चित्रण गरिएको रहेछ ।

रेनुका कार्कीले निर्देशन गर्नुभएको नाटक हेर्दा सबै रोमान्चित भए । छेऊमा बसेका रुपा र कृष्ण पनि हसाउने दृश्यहरुमा हास्दै थिए । अनि बिगतका कुरा सम्झदै थिए । अपांगता भएका व्यक्तिहरुको सहयोगार्थ फागुन १६ गतेसम्म फागुन १६ गतेसम्म अन्य दिन बेलुका ५ बजे र शनिबार दिउंसो १ बजे रुपाकृ नाटक मन्चन गरिनेछ । नाटकमा रुपा र कृष्णको बिहेको दृश्यलाई झनै कलात्मक तरिकाले देखाईएको छ । आफ्नो श्रीमतीको पढाई खर्च जुटाउन दांगमा बिद्युतिय कामको लागि गएका कृष्ण र रुपाको बिछोडको दृश्ले नाटक हेर्न आएका दर्शकहरु मात्रै हैन रुपा पनि भावुक भईन् । नाटकमा रुपाको भुमिकामा सोनिसा बजगाई र कृष्णको भुमिकामा सुदिप जंग कार्कीको अभिनय रहेको छ । यि दुई कलाकारको जीवन्त अभिनयले रुपाकृ नाटकमा प्राण भरेको छ । जब कृष्णले रुपालाई तिमी मलाई छोडेर जाऊं भन्छन् अनि त्यस्मा रुपाले अर्को भावानात्मक संवाद बोल्छिन्..नाटक हेर्ने कसैले आंशु रोक्न सक्दैन । कृष्ण र रुपाको वास्तविक कथा बुझेका मात्र हैन, उनीहरुलाई नचिन्नेहरुले पनि यो नाटकलाई महसुस गर्दै आंशु बगाउंछन् । मैले पनि मन थाम्न सकिन ।

एउटा दरिलो सन्देश दिदै नाटक सकियो, वास्तविक जीवनकी रुपाले धेरैपछि फेरी आंशु बगाईन् । रुपा बोल्नै सकिनन् । मन थाम्नै नसकेर रोईन् । रुपा रुंदा सबै रोए । कृष्णले पनि आफ्नो बिगत आंखै अगाडि हेर्दा त्यो कालो दिनलाई सम्झिए । अनि रुपाको चोखो मायालाई फेरी एकपटक सम्मान गरे दर्शकबृन्हरु…यदि तपाई राजभानीमै हुनुहुन्छ भने..यो नाटकलाई एकपटक सबैले हेरौं । नाटकको बारेमा जिज्ञासा छन् भने फोन नं ९८४१२२५७२६ र ९८४९४८८४७३ मा सम्पर्क गर्नुहोला । सांच्चै कुनै उत्कृष्ट चलचित्र भन्दा कम छैन नाटक रुपाकृ । भिडयो हेर्नुस

तपाईको प्रतिक्रिया