काठमाडौं । संघीय नेपालको पहिलो राष्ट्रपति चयनका लागि आज निर्वाचन हुने भएको छ । संसद सचिवालयका अनुसार निर्वाचन आज बिहान १० बजेदेखि अपरान्ह ३ बजेसम्म संघीय संसद भवन बानेश्वरमा हुनेछ । त्यसपछि तत्काल मतगणना हुने संसद सचिवालयले जनाएको छ ।

राष्ट्रपति निर्वाचनका लागि प्रतिनिधिसभा, राष्ट्रियसभा र प्रदेशसभामा सांसदहरू मतदाता रहने छन् । नयाँ राष्ट्रपतिका लागि वाम गठबन्धनबाट विद्यादेवी भण्डारी र कांग्रेसबाट कुमारी लक्ष्मी राईको उम्मेदवारी परेको छ ।

स्पष्ट बहुमत रहेका वाम गबन्धनको उम्मेदवारलाई मधेशवादी दलले पनि समर्थन गर्ने घोषणा गरिसकेकाले भण्डारी दोस्रो कार्यकालका लागि पनि राष्ट्रपति हुने पक्का भएको छ ।

तपाईको प्रतिक्रिया