काठमाडौं । पाकिस्तानको कराँचीमा ९० यात्रु र ८ जना चालक दलका सदस्य चढेको विमान दुर्घटना भएको छ । विमान मानव वस्तीमा दुर्घटना भएको हो । लकडाउन खुला गरेर हवाई उडान सुरुचारु गरेकै बेला एक विमान दुर्घटना भएको हो ।

पाकिस्तानको कराँची एयरपोर्टमा ल्याण्ड गर्ने क्रममा विमान दुर्घटना भएको बताइको छ । पाकिस्तानको राष्ट्रिय एयरलाइन्स कम्पनी पीआईएको विमान दुर्घटनामा परेको अन्तराष्ट्रिय सञ्चार माध्यमले जनाएका छन् ।

घटनास्थलमा धुवाँ उडेको देखिएको र थप जानकारी आउने क्रममा छ । ९८ जना चढेको विमान दुर्घटना भएको जानकारी आएको भएपनि क्षतीको थप विवरण भने आउन बाँकी नै छ ।पाकिस्तानमा कोरोना भाइरस रोकथामका लागि लगाइएको लकडाउन खुला गरेर उडान सुरु हुन थालेका थिए ।

तर पाकिस्तानी सेनाका प्रमुख जनरल कमार जावेद बाज्वाले भने ‘महत्वपूर्ण जीवनहरु गुमेको’ भन्दै समवेदना दिएका छन् । त्यहाँको स्वास्थ्य तथा जनसंख्या मन्त्रालयले कराँचीका सबै अस्पतालहरुमा इमरजेन्सी घोषणा गरेको छ ।

दुर्घटनाको पूर्ण विवरण आइसकेको छैन ।

Comments