ओली सरकारविरुद्ध पत्रकारहरु सडकमा उत्रिए ! पत्रकार ऋषि धमलाले ओली सरकारलाइ दिए यस्तो चेतावनी ( भिडियो)

प्रकाशित मिति : २३ भाद्र २०७५, शनिबार ०८:४६


नयाँ मुलुकी देवानी (संहिता) ऐन र मुलुकी अपराध (संहिता) ऐन संशोधनको माग गर्दै नेपाल पत्रकार महासंघका पदाधिकारीलगायत पत्रकारहरुले शुक्रबार राजधानीमा प्रदर्शन गरेका छन् ।

नयाँ ऐनले प्रेस तथा अभिव्यक्ति स्वतन्त्रतालाई संकुचित गरेको भन्दै काठमाडौँको नयाँ बानेश्वरमा धर्नामा बसेका हुन् ।भदौ १ गतेदेखि लागु भएको मुलुकी संहिता संशोधनको माग गर्दै पत्रकारहरुले शुक्रबार काठमाडौमा प्रर्दशन गरेका छन् । नेपाल पत्रकार महासंघको अगुवाइमा पत्रकारसम्बद्ध विभिन्न संघसंस्थाहरुले शुक्रबार काठमाडौंको नयाँ बानेश्वरमा प्रदर्शनसहित धर्ना दिएका हुन् ।

प्रदर्शनमा सहभागीहरुले प्रेस तथा अभिव्यक्ति स्वतन्त्रताको रक्षा गर, मुलुकी देवानि र फौजदारी संहिता संशोधन गर, आलोचना गर्न पाउने नागरिक अधिकार सुरक्षित गर, पूर्ण प्रेस स्वतन्त्रताको ग्यारेन्टी गर आदि लेखिएका ब्यानर तथा प्लेकार्ड बोकेका थिए ।

संहिता संशोधनको माग गर्दै पत्रकार महासंघले चरणबद्ध आन्दोलनको घोषणा गरेको छ । महासंघले मुलुकी फौजदारी (संहिता) ऐन, २०७४ का विभिन्न दफाका प्रावधान अनुसार सञ्चार माध्यममा प्रकाशित÷प्रसारित सामग्रीकै आधारमा संचारकर्मी माथि गम्भीर अभियोग लाग्न सक्ने अवस्था देखिएको भन्दै संशोधन गर्न माग गर्दे आएको छ ।

प्रर्दशन कार्यक्रममा पत्रकार महासंघका अध्यक्ष गोविन्द आचार्यले पटक पटक आफुहरुको मागका बिषयमा सरोकारवाला निकायलाई ध्यानाकर्षण गर्दा पनि संबोधन हुने नदेखिएकाले आन्दोलन गर्नुपरेको बताउनुभयो ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्