अस्ट्रेलियामा नेपाली युवतीले गरिन् देहत्याग

प्रकाशित मिति : २७ बैशाख २०७७, शनिबार १०:४०


अस्ट्रेलिया । सिड्नीको रकडेलस्थित फ्रेड्रिक स्ट्रिटमा श्रीमानसँग बस्दै आएकी २५ वर्षीया नेपाली युवती आफ्नै कोठाको दराजको कपडा झु’न्ड्याउने र’डमा झु’न्डिएको अवस्थामा मृत फेला परेकी छिन् । बिहीबार दिउँसो करिब ४ बजे आफ्नै कोठाको दराजको कपडा झु’न्ड्याउने रडमा झु’न्डि’एको अबस्थामा मृत फेला परेकि हुन् । उनी दुई वर्षअघि मास्टर्स गर्न आएकी थिइन् भने उनको श्रीमान् गत वर्ष डिपेन्डेटको रूपमा आएको बुझिएको छ । उनले देहत्याग गर्नुको कारण प्रष्ट भएको छैन । नेपालमा उनको श्रीमानको घर काठमाडौको बानेश्वरमा रहेको बुझिएको छ।

त्यस्तै सामाजिक सञ्जाल फेसबुकमा नक्कली आइडी बनाएर काम र कोठा दिइने भन्दै विद्यार्थीलाई ठग्ने र महिलालाई यौ’न दु’र्व्यवहार गर्ने एक नेपाली पक्राउ परेका छन्। फेसबुकमा नक्कली आइडी बनाएर विभिन्न बहानामा ठगी गर्ने सो व्यक्तिलाई एनएसडब्लु प्रहरीले अनुसन्धानको दायरापछि पक्राउ गरेको हो। यही मार्च ८ मा फेसबुक मार्फत काम लागाइदिने बहानामा सो व्यक्तिले एक महिलालाई अलावामा बोलाएर गाडीमा बस्न अनुरोध गरे।

कामको खोजीमा रहेकी ती महिला गाडीमा बसेपछि ती व्यक्तिले अनैतिक क्रियाकलाप गर्न लागेको भन्दै गाडीबाट भागेर प्रहरीको शरणमा पुगेकी थिइन्। अलावा रेलवे स्टेशन नजिकै भएको सो घटनापछि १८ वर्षीय युवतीले प्रहरीलाई यसबारे जानकारी गराएकी थिइन्। करिब एक महिना लामो अनुसन्धानपछि फेसबुक आइडीका आधारमा सो व्यक्तिलाई हर्षभिलस्थित घरबाट २४ अप्रिलमा प्रहरीले पक्राउ गरेको हो। नेपाली विद्यार्थीको बाक्लो बस्ती रहेको रकडेल हर्षभिल क्षेत्रमा भएको यो घटनाले खराब प्रवृत्तिको संकेत गरेको छ।

फेसबुकमा कतिपयले राम्रो उद्देश्यले त कतिपयले फाइदाका लागि पनि काम, कोठा र अन्य सुविधा प्रचारबाजी गर्छन्, यस्ता विषयमा आफ्नो गोप्य विवरण दिन नहुने र भर परिहाल्ने अवस्था नरहेको यसका जानकार बताउँछन्।

‘नेपाली विद्यार्थी कामको खोजीमा ब्यग्र देखिएको यसको फाइदा लिने अनेक तत्वले सामाजिक सञ्जालमार्फत प्रलोभन दिन सक्छन् यसमा ध्यान दिनुपर्छ, कतिपय राम्रो उद्देश्यले पनि हुन्छन् भने केही खराब उद्देश्य लिएका पनि हुन सक्छन्’ सञ्चारकर्मी डिल्ली ढकाल भन्छन् ‘केहीले सामाजिक सञ्जालमार्फत प्रलोभन देखाएर विद्यार्थीको व्यक्तिगत विवरण समेत प्राप्त गर्ने र त्यसको गलत उपयोग गर्न सक्ने डर रहन्छ, यसमा सावधान हुन जरुरी छ।’

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्