बलिउड अभिनेता जोन अब्रहमका बुवा लुटिए (भिडियोसहित)



एजेन्सी । गुमनाम एउटा मोडेलको संघर्षबाट बलिउडको फिल्मि दुनियाँमा प्रवेश गरेर पहिचान बनाउँदासम्मको जोन अब्राहमको जीवन कथामा निकै मार्मिक कुराहरु सुन्न पाईन्छ । न गड फादर न त बलिउड किड स्टार । आफ्नै मेहेनत अनि परिश्रमका साथ बाहीरि दुनियाँबाट बलिउडमा हाम फालेका जोनको कथा सबैकालागी प्रेरणादायी छ ।

जब जोन कक्षा ८ मा पढ्दै थिए त्यबेला बुवाको असाध्यै मिल्ने साथीले जोनको बुवालाई लुटेको कुरा जोनले सुनाएका थिए । यो घटना उनीहरुकालागी निकै नै दुःखद हुनुका साथै अविश्मरणीय पनि । एक कार्यक्रममा आफ्नो अविश्मरणीय पलको कुरा सुनाउने क्रममा आफ्नै साथीबाट बुवा लुटिएको कुरा जोनले निकै भावुक मुद्रामा सुनाएका थिए ।

जोनको परिवारमा घटेको यो घटना १९८९ को हो । त्यतिबेला जोनको बुवासंग जम्मा ३ लाख रहेछ । त्यो ३ लाख नै जोनका बुवाको साथीले लुटेका रहेछन् । जोनले आफ्नो बुवाको त्यो घटना सुनाउने क्रममा भने,‘त्यतिबेला मेरो बुवासंग घर खर्चदेखि हाम्रो पढाई खर्च सबैकोलागी भनेर बुवाले राख्नु भएको पैसा उहाँकै मिल्ने साथीले लुटेर लैजानु भयो । त्यतिबेला हामीसंग जम्मा ३ लाख थियो । र त्यो ३ लाख मूल्य आजको जमानामा ३ करोड जत्तिकैको हुन्थ्यो ।’

घरमा भएको सबै पैसा आफ्नै साथीले लुटिदिएपछि जोनलाई बुवाको साथीप्रति निकै नै रिस उठेको पनि उनले आफ्नो अनुभव शेयर गर्दा सुनाएका थिए । उनले भने,‘बुवालाई जब उहाँकै साथीले लुटे तब मेरो बुवाभन्दा पनि मलाई असाध्य नै रिस उठेको थियो । तर बुवाले भने हामीलाई आफु दुखि भएको महसुुस कहिल्यै गराउनु भएन । आज म विचार गर्छु कि यो उहाँको प्लस पोईन्ट हो । जो कसैमा यस्तो विशेषता हुँदैन ।’

त्यतिबेला म टिन एजमा थिएँ । बुवाले मलाई उठेको रिसको सायद पानाहरु पढिसक्नु भएको थियो होला । त्यसैले उहाँले मलाई मायाले सम्झाउनु भयो र भन्नु भयो,‘हेर छोरा, मलाई थाहा छ मेरो साथीले जे गर्यो त्यो कुरामा तँ धेरै नै दुखिछस् । तर तँ दुखि हुनै पर्दैन । यही त जिन्दगीको अनुभव हो । आज तँसंग पैसा छैन त के भयो ? भोली त हुन्छ नि । तर आज पैसा छैन भनेर आफ्नै गुजारा गर्नकोली चोरी नगर्नु । र जस्तै अभावमा पनि आफ्नो काम गराउनकोलागी घुस नदिनु र नलिनु पनि ।’

त्यो दुःखद समयमा बुवाले दिएको यो उपदेशले जोनको जीवनलाई परिवर्तन गरिदिएको कुरा आफ्नो अनुभव शेयर गर्ने क्रममा सुनाउँछन् जोन । बुवाले जब आफु र आफ्ना अरु छोराछोरीलाई यी कुराहरु सुनाईरहंदा जोनले त्यतिबेला नै आफ्नो बुवासंग प्रतिज्ञा गरेका रहेछन् । उनले आफ्नो बुवालाई भनेका रहेछन् कि ‘बुवा एक दिन म यही मेरो अनुहार बेचेर पैसा कमाउँनेछु ।’

जोन अब्राहमको जीवनको पानामा यो सुनौलो कुरा उनले चाहे जस्तै आजको दिनमा लेखिएको छ । साँच्चै आज जोनले त्यो बेलामा बोलेको कुरा पुरा भएको छ । जानेले सानैदेखि नै भन्ने गर्दथे रे,‘आजको दिनमा त मलाई कसैले पनि चिन्दैनन् तर एकदिन आउने छ त्यो दिन मलाई सबैले चिन्नेछन् र मैले मलाई चिन्नेहरुलाई नै चिन्ने छैन ।’

आज जोन अब्राहम भन्ने वित्तिकै नचिन्ने सायदै होलान् । आज जोनसंग आजको समयमा यति पैसा छ कि जस्को एक भागको एक भाग भन्दा पनि निकै नै कम उनको बुवाको १९८९ मा चोरी भएको पैसा थियो । त्यो समयमा बुवाको कुराले प्रेरित भएका जोनले आफुमा परिवतर्न भएको अनुभव सुनाए ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्