माधव समुहसँगको बार्तापछि एमाले महासचिव पोखरेलले सार्वजनिक गरे निकै मार्मिक कविता



नेकपा–एमालेका महासचिव ईश्वर पोखरेलले आज सोमबार वरिष्ठ नेता माधवकुमार नेपाल नेतृत्वको समूहसँग वार्ता गरेलगत्तै एउटा भावूक कविता लेखेर सार्वजनिक गरेका छन्।

उनले सोमबार दिउँसो भएको वार्ता सकिएको केहि घण्टापछि सामाजिक सञ्जाल फेसबुकमा ‘आफ्नो घर’ शीर्षकको सो कविता पोष्ट गरेका हुन्।

यस्तो छ उनको कविता:

आफ्नो घर
अग्रजहरूको–
रगत पसिनाले सिंचित जगमा।

मिहिनेतले–
बनाएको आफ्नै घर।

सभ्यता र संस्कृतिको–
प्रतीक बनेको आफ्नै घर।

सौभाग्यको पर्याय रहेको हाम्रो घर!
भाग्य र भविष्यको प्रतीक हाम्रो घर!

बिडम्वना!
कुनैबेला त्यही घरमा
बिरानो जस्तो बन्यौं– हामी,
हराएको जस्तो बन्यौं र बनाइयौं– हामी!

साँच्चै भनौं–
सभ्यता र संस्कृति सुरक्षित रहन्न कि भन्ने लाग्यो
भाग्य र भविष्यलाई कालो बादलले ढाक्छ कि भन्ने लाग्यो!

सौभाग्य लुटिए जस्तो लाग्यो
बाँच्न मुश्किल नै पर्छ कि भन्ने लाग्यो!
आज त्यही घरमा पुगेकाछौं!

मेरो प्रिय घर!
यही घरबाट आफ्नै अर्थी निस्कियोस्– मलाइ मन्जूर छ
तर सौभाग्यलाई चुक्न दिनेछैन
स्वाभिमानलाई झुक्न दिनेछैन!

सभ्यता र संस्कृतिको रक्षाका लागि
झण्झावातसित जुध्न मन्जूर छ
तर , म हराउन सक्तिन– मेरो घर!
म छोड्न सक्तिन मेरो घर !!

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्