साउन २१ देखि २७ गतेसम्म काठमाडौंमा निषेधाज्ञामा थप कडाइ, के–के गर्न नपाइने? (बिज्ञप्ति सहित)



जिल्ला प्रशासन कार्यालय काठमाडौंले यही साउन २१ देखि २७ गतेसम्मका लागि अहिलेको निषेधाज्ञालाई थप कडाइ गरेको छ। मन्त्रिपरिषदको निर्णय, कोभिड १९ संकट व्यवस्थापन अध्यादेश २०७८ को दफा ४ र स्थानीय प्रशासन ऐन, २०२८ को दफा ६ को उपदफा ३ अनुसार यस्तो आदेश जारी गरेको हो।

यसअनुसार सबै प्रकारका सभा, सम्मेलन, पार्टी प्यालेस, सिनेमा हल, रेस्टुरेन्ट, डान्सबार, दोहोरी, नाचघर, क्लब, स्विमिङ पुल, मनोरञ्जन स्थल, संग्रहालय, रंगशालामा हुने दर्शकसहितका खेलकुद र भीडभाड हुने अन्य कार्यक्रम सञ्चालन गर्न नपाइने भएको छ।

जात्रा, भोजभतेर, सभा र जुलुस पनि गर्न नपाइने आदेशमा उल्लेख छ। शैक्षिक संस्थामा भौतिक उपस्थितिमा पठनपाठन बन्द गरिएको छ। स्थानीय ढुवानी ९ बजेदेखि बिहान ११ बजेसम्म र अपराह्न ४ बजेदेखि ७ बजेसम्म सञ्चालन गर्न नपाउने उल्लेख गरेको छ।

घरबाहिर निस्किँदा २ व्यक्तिबीच कम्तीमा २ मिटरको भौतिक दूरी पालना गर्नुपर्ने, मास्क अनिवार्य लगाउनुपर्ने आदेशमा उल्लेख छ। सार्वजनिक सवारीसाधनमा सिट क्षमतामा यात्रु बोक्न पाउने तर स्वास्थ्य मापदण्ड पालना गर्नुपर्ने भएको छ।

थप बिबर हेर्नुहोस्

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्