ओली संग असन्तुष्ट भीम रावलले यस्तो निर्णय लिँदै ? बोलाए छुट्टै बैठक



काठमाडौँ । नेकपा एमालेमा १० बुँदे कार्यान्वयन नभएपछि असन्तुष्ट रहँदै आएका नेता भीम रावलले मंगलवार छुट्टै बैठक बोलाएका छन् । प्रमुख प्रतिपक्षी दल नेकपा एमालेले पार्टी विभाजन रोक्न गठन गरेको कार्यदलको बैठक बस्दै छ । ललितपुरस्थित तुलसीलाल स्मृति प्रतिष्ठान च्यासलमा रावलले बैठक बोलाइएको एक नेताले बताए ।

आजको बैठकमा १० बुंदे सहमतिको विषयमा व्यापक छलफल हुने भएको छ । नेकपा एमालेलाई जेठ २ को अवस्थामा फर्काउँदा सुदुरपश्चिम इन्चाज भीम रावल हुनेभएपनि अध्यक्ष ओलीले पार्टीको उपाध्यक्षको मात्र जिम्मेवारी निभाउन निर्देशन दिएपछि उनी असन्तुष्ट भएका छन् । उनले दुई दिन केन्द्रीय समितीको बैठक पनि वहिष्कार गरे । दश बुँदे सहमति कार्यान्वयन गर्न भन्दै नेकपा एमालेले सोमबार उपाध्यक्ष भीम रावलको संयोजकत्वमा कार्यदल गठन गरेको थियो ।

कार्यदललमा महासचिव ईश्वर पोखरेल, उपमहासचिवद्वय घनश्याम भुसाल र विष्णु पौडेल, स्थायी कमिटी सदस्यहरु सुरेन्द्र पाण्डे, शंकर पोखरेल र लेखराज भट्ट रहेका छन् । पछिल्लो समय एमालेमा दस बुंदे कार्यान्वयन हुन नसक्दा नेताहरु विभाजित हुने अवस्थामा पुगेका छन् ।

ललितपुरको च्यासलस्थित तुलसीलाल स्मृति प्रतिष्ठानमा भएको केन्द्रीय कमिटी बैठकमा सहभागी तेस्रो धारका केही केन्द्रीय सदस्यहरूले १० बुँदे कार्यान्वयको विषय उठाएपछि चर्काचर्की भएको थियो ।

विगतमा पार्टी वरिष्ठ नेता माधवकुमार नेपाल पक्षमा रहेका तर नेपालले नयाँ पार्टी गठन गरेपछि एमालेमै बसेका ती नेताहरूले पार्टीमा छलफल नै नगरी प्रतिनिधिसभा विघटन गरेको भन्दै अध्यक्ष ओलीलाई कारबाही गर्न मिल्ने कि नमिल्ने भन्ने प्रश्न गरेका थिए ।

बैठकमा ओली समूहका नेताहरूले आफ्नै पार्टीको सरकार गिराउने, पार्टी अध्यक्ष प्रधानमन्त्री भएको बेलामा हटाउने खेलमा लागेका नेतालाई कारबाही गर्नुपर्ने माग गरेपछि तेस्रो धारका नेताहरूले प्रतिनिधिसभा विघटन गर्ने अध्यक्ष ओलीलाई कारबाही गर्नुपर्ने आवाज उठाएका थिए ।

‘पार्टीमा छलफल नै नगरी प्रतिनिधिसभा दुईरदुईपटक विघटन गर्नेलाई कारबाही गर्न मिल्छ कि मिल्दैन ? असंवैधानिक रूपमा प्रतिनिधिसभा विघटन गरेपछि सर्वोच्च अदालतले दुईपटक नै पुनस्र्थापना ग¥यो । के संविधान र लोकतन्त्रको भावनाविपरीत प्रतिनिधिसभा विघटन गर्नेलाई कारबाही गर्नुपर्दैन ?असंवैधानिक कार्य गर्ने हाम्रा अध्यक्षज्यू कतिपटक उठबस गर्नुपर्छ ?’ बैठकमा तेस्रो धारका एक नेताले प्रश्न गरेका थिए ।

बैठकमा सरकार गिराउने र प्रतिनिधिसभा विघटन गर्नेलाई कारबाहीको आवाज उठेपछि केहीबेर हंगामामै नै भएको थियो । दोहारो सवाल जवाफ चलेपछि केहीबेर बैठक त ना वपूर्ण बनेको थियो । तर, पछि शीर्ष नेताले यसबारेमा पनि छलफल गर्ने भन्दै कुरा मिलाएपछि बैठक निर्धारित कार्यक्रमअनुसार अगाडि बढेको एमाले स्रोतले जनाएको छ ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्