भाग्यमानी यस्ता बच्चा जसले जन्मने वित्तिकै राखे विश्व किर्तिमान



एजेन्सी । संसारमा कहिले काँही निकै अनौठा घटना हुन्छन् । प्राय सबैभन्दा कम तौलको बच्चा आधा किलोभन्दा पनि कमका हुन गर्छन । तर अमेरिकामा यस्ता बच्चा जन्मिए जसले जन्मनासाथ विश्व रेकर्ड बनाए । २१ हप्तामा नै अमेरिकामा जन्मिएका ति बच्चालाई संसारको सबैभन्दा प्रिमेच्योर बच्चाको संज्ञा दिइएको छ ।

कर्टिस मिन्सको जन्म अघिल्लो वर्ष बर्मिङ्घम, अलाबामामा भएको थियो । जन्मँदा उनको तौल ४२० ग्राम मात्रै थियो । उनको नाम गिनिज बुक अफ वर्ल्ड रेकर्डमा दर्ता गरिएको छ । साधारणतया गर्भावस्थाको समय ४० हप्ताको हुन्छ तर कर्टिसको जन्म २१ हप्ता एक दिनमै भएको थियो । यो हिसाबले कर्टिस सामान्य शिशुको तुलनामा करिब १९ हप्ताअघि जन्मिएका हुन् ।

उनकी आमा मिशेल बटलरलाई चार जुलाई सन् २०२० मा प्रसव पी डा भयो, त्यसपछि उनलाई अस्पताल लगियो । त्यसको भोलिपल्ट दिउँसो उनले जुम्ल्याहा बच्चा, कर्टिस र सी’अस्यालाई जन्म दिइन् । तर, भोलिपल्टै सी’आस्याको मृत्यु भयो । यति कम समयमा जन्मिएका यस्ता बच्चा बच्ने सम्भावना निकै कम हुन्छ । एक प्रतिशतभन्दा पनि कम बच्चा यस्तो स्थितिमा जि उँ दो हुन सक्छन् ।

तर डाक्टर र कर्टिसका अभिभावकले हिम्मत हारेनन् । उनीहरुले आइसीयूमा भर्ना भएका कर्टिसको हेरविचार गरिरहे र सतर्क रहे । करिब तीन महिनापछि कर्टिसलाई भेन्टिलेटरबाट हटाइयो र २७५ दिनसम्म अस्पताल बसाईपछि उनलाई अस्पतालबाट छुट्टी दिइयो ।

तर चुनौती अहिले नै समाप्त भइसकेका छैन । डाक्टरले कर्टिसलाई मुखबाट खा न सिकाउनु थियो । डाक्टरले उनलाई मुखबाट सास फेर्न र खा न सिकाए । मिशेल बटलरले एक बयानमा भनिन्, ‘कर्टिसलाई घर लैजाने र उनका दिदी दाइहरुलाई उनका भाइसँग भेट गराउनु, त्यो एउटा यस्तो क्षण थियो जसलाई म जिन्दगीभर पनि बिर्सन सक्दिनँ ।’

कर्टिसका तीन दाजु–दिदीहरु छन् । यद्यपि, कर्टिसलाई अहिलेपनि सप्लिमेन्टल अक्सिजन र फिडिङ ट्युबको आवश्यकता पर्छ तर डाक्टरका अनुसार अब उनको स्वास्थ्य निकै राम्रो छ । बर्मिंघमको अलबामा विश्वविद्यालयमा नियोनेटोलोजिस्ट डाक्टर ब्रायन सिम्स गिनिज बुक अफ वर्ल्ड रेकर्डसँग भन्छन्, ‘म लगभग २० वर्षदेखि यो पेशामा छु तर मैले कुनै बच्चालाई यति बलियो देखिनँ जति ऊ थियो, उसमा केही विशेष थियो ।’

कर्टिस डाक्टर सिम्सकै निगरानीमा छन् । यसअघि सबैभन्दा बढी प्रिमेच्योर बच्चाको जन्म २१ हप्ता दुई दिनमा भएको थियो । यो बच्चा विस्कन्सिनमा जन्मिएका थिए जसको नाम रिचर्ड हचिंसन थियो । यसअघि ३४ वर्षसम्म यो रेकर्ड ओटावामा जन्मिएका एक बच्चाको नाममा थियो । उनी २१ हप्ता र पाँच दिनमा जन्मिएका थिए ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्