के भयो अभिनेत्री श्वेता खड्कालाई ?



नेपालमा नयाँ भेरिएन्ट ओमिक्रोनको संक्रमण बढेसँगै कलाकारहरु पनि यसको चपेटामा पर्न थालेका छन् । यसैक्रममा, अभिनेत्री तथा ‘विजनेश वुमन’ श्वेता खड्कालाई संक्रमण पुष्टि भएको छ । उनले मंगलवार सामाजिक सञ्जाल फेसबुकको माध्यमबाट आफ्नो रिपोर्ट पोजेटिभ आएको जानकारी गराएकी हुन् । उनले सबैलाई सर्तक र सुरक्षित रहन आग्रह गरेकी छन् ।

फिल्म ‘कहाँ भेटिएला’ बाट अभिनय करिअर सुरु गरेकी श्वेताले ‘श्रीमान् श्रीमती, कोहिनूर, हाँसी देऊ एक फेर’ फिल्ममा अभिनय गरिसकेकी छन् । उनले तीन वर्ष अगाडि आफ्नै लगानीमा बनाएको फिल्म ‘कान्छी’ लिएर दर्शकमाझ आएकी थिइन् । उनी फेरि आफ्नै लगानीमा नयाँ फिल्म बनाउने तयारीमा छिन् । उनले निर्देशक यम थापाको एक फिल्म साइन गरेको पनि जानकारीमा छ ।

गत वर्षको मंसिरमा विजन्द्र सिंह रावतसँग दोस्रो विवाह गरेकी अभिनेत्री खड्काले विभिन्न व्यवसायहरुमा समेत हात हालेकी छन् । उनले हिमालयन जाभा (कफी सप) को राजधानीमा विभिन्न ठाउँमा आउटलेट खोलेकी छन् । महामारीकै समयमा उनले ‘अल्टिमोडल’ अनलाइन सपिङ पनि सञ्चालनमा ल्याएकी थिइन् । होटल, कन्स्ट्रक्सन लगायतको क्षेत्रमा पनि उनको लगानी छ । फाइल तस्विर

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्