यस्तो चश्मा लगाइदिएपछि गाईले दिन थाल्यो धेरै दुध



गाईलाई घाँस–पिठो खान दिएपछि धेरै दुध दिने गरेको पाइएको छ । प्रजाति सुधार गरेर पनि गाईको दुध बढाउने प्रयास सबैतिर भइरहेको छ । तर यसका लागि पैसा पनि धेरै नै लाग्छ ।

तर गाईको दुध बढाउने प्रयासमा एउटा यस्तो अचम्मको तरिका अपनाइएको छ जुन सुन्दा तपाईंलाई अचम्म लाग्ला । तर यो साँचो हो, टर्कीका एक किसानले आफ्नो गाईले धेरै दुध देओस् भनेर प्रविधिको सहारा लिएका छन् ।

डेली मेलका अनुसारटर्कीको अक्साराय सहरमा बस्ने किसान इज्जेत कोकाकले आफ्नो गाईलाई भर्चुअल रियालिटी वाला चस्मा लगाइदिएका छन् । यसबाट किसानलाई फाइदा पनि भयो । किनकी गाईले सामान्य भन्दा बढी दुध दिन थाल्यो ।

यसो गर्दा गाईले आफूलाई ठूलो घाँसको मैदानमा चरिरहेको महसुस गर्ने गर्छ । तर वास्तवमा किसानले गाईलाई आफ्नै गोठमा बाँधेर राखेको हुन्छ ।

यस प्रविधिको फाइदा अन्य किसानलाई पनि थाहा हुन थालेको छ । यस्तो प्रविधि अन्य किसानले पनि अपनाउन थालेका छन् । यसबारे एउटा अनुसन्धान पनि भएको छ जसअनुसार गाई–भैँसीलाई हरियो मैदान देखायो भने उसले औसतभन्दा बढी दुध दिन्छ भन्ने तथ्य सार्वजनिक भएको छ ।

आफूहरुले गाईको आँखामा भीआर चस्मा लगाउनाले आफूलाई धेरै फाइदा मिलेको किसानले बताएका छन् । यसबाट उनीहरुको दुध उत्पादनमा वृद्धि भएको जानकारीमा उल्लेख छ । आफ्नो गाईले २२ लिटर दुध दिने गरेकोमा हाल आएर २७ लिटर दूध दिन थालेको किसानले बताए । पशुलाई भीआर चश्माको माध्यमबाट एक हराभरा मैदान देखिन्छ र गाईलाई त्यो ठूलो मैदानमा चरेको जस्तो अनुभव हुन्छ । यसै कारण उसले धेरै दुध दिन्छ ।

यसको प्रयोग वरपरका किसानले पनि आफ्नो गाई​ भैँसीमा गरे र उनीहरुले पनि ठूलै लाभ उठाएका छन् । उत्पादन धेरै भएकाले उनीहरुको पनि कमाइमा वृद्धि भएको छ ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्