३ दिन नहुँदै गृह मन्त्रालयले आफैले लगाएको नियम उल्ट्याउँदै बनायो खुकुलो (बिज्ञप्ति सहित)



काठमाडौं। खाडी मुलुक र मलेसियामा भिटिज भिसामा जान रोक लगाउने निर्णयलाई गृह मन्त्रालयले संशोधन गरेको छ । आइतबार विज्ञप्ति जारी गर्दै भिटिज भिसामा जान सबैलाई रोक लगाउने निर्णयलाई मन्त्रालयले खुकुलो पारेको हो ।

गृह मन्त्रालयले आइतबार दिएको जानकारी अनुसार सरकारी कामको सिलसिलामा विदेश भ्रमण गर्ने सरकारी निकायका प्रतिनिधि, अन्तर्राष्ट्रिय कारोबार गर्ने बैंक तथा वित्तिय संस्था, अन्तर्राष्ट्रिय गैरसरकारी संघसंस्थाका प्रतिनिधि संस्थाको कामले जाँदा नरोकिने भएको छ।

सोमबारदेखि लागू हुने गरी भिटिज भिसामा खाडी मुलुक र मलेसियामा जान सबैलाई रोक लगाउने निर्णय गृह मन्त्रालयले शुक्रबार गरेको थियो । अब खाडी राष्ट्रबाहेक कम्तिमा दुई मुलुकको भ्रमण गरिसकेकालाई भ्रमण अनुमति दिइने भनेको छ ।

यस्तै, नेपालमा सामान आयात र निर्यात गर्ने व्यवसायिक संस्थाका प्रतिनिधि, व्यवसायिक कम्पनी तथा फर्मका सञ्चालक, यसअघि खाडी राष्ट्र बाहेक २ देशका भ्रमण गरिसकेका यात्रु पनि नरोकिने भएका छन्।

यस्तै, वार्षिक न्यूनतम ६ लाख रुपैयाँ करयोग्य आय भई कम्तिमा त्यसको आधा रकम बैंक खातामा बचत भएका र नेपालको कर प्रणालीमा आवद्धता भएका व्यक्तिहरु, म्यानपावर व्यवसायीहरु र तीन पुस्ता भित्रका बिरामी कुरुवा नेपाली दूतावासको सिफारिसका आधारमा जान दिने सरकारको निर्णय रहेको गृह मन्त्रालयका प्रवक्ता फणिन्द्रमणि पोख्रेलले जानकारी दिए।

हेर्नुस् गृह मन्त्रालयको विज्ञप्ति

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्