फुपूसँग देखिए किम जोङ उन




उत्तर कोरियाका सर्वोच्च नेता किम जोङ उनकी फुपू किम क्योङ नौ वर्षपछि सार्वजनिक स्थानमा देखिएकी छन् । क्योङ किमका पिता किम जोङ इलकी बहिनी हुन् ।

उनका पति जाङ साङ थाकलाई सन् २०१३ मा किमले राजद्रोहको आरोप लगाउँदै टा’उको का’टे’र मा’र्ने सजाय दिएका थिए । त्यसपछि क्योङ सार्वजनिक स्थानमा देखिएकी थिइनन् । उनी सत्तारूढ दल वर्कर्स पार्टीकी वरिष्ठ अधिकारी थिइन् ।

अमेरिकाका खोजी पत्रकार बब वूडवर्डको पुस्तक रेजमा राष्ट्रपति डोनल्ड ट्रम्पले किमसँगको कुराकानीमा फुपाजुको ह’ ‘त्याको उल्लेख भएको भनी लेखिएको छ । किमले फुपाजुको ह’ ‘त्या ग’रेको अनि आफ्नो पैतालामुनि उनको श’री’र रा’खे’र छातीमाथि बसेर टा’उ’को का’टे’को भनी ट्रम्पलाई सुनाएको पुस्तकमा उल्लेख गरिएको छ ।

किमका फुपाजु प्रभावशाली सैन्य अधिकारी थिए र उनी देशमा सुधारका पक्षपाती थिए । त्यसैले गर्दा किमले उनलाई मा’रेको बताइन्छ । फुपूसँगै किमकी पत्नी री सोल जु पनि धेरैपछि सार्वजनिक स्थानमा देखिएकी छन् ।

पाँच महिनापछि सार्वजनिक कार्यक्रममा देखिइन किम की श्रीमती रि सोल जु

उत्तर कोरियाली नेता किम जोङ उनकी पत्नी रि सोल जु पाँच महिनापछि पहिलो पटक सार्वजनिक कार्यक्रममा देखिएकी छिन् । कोभिड महामारीका बेला किम परिवारले ‘लो प्रोफाइल’ कायम राखिरहेका बेला बुधबार रि सार्वजनिक कार्यक्रममा देखिएकी हुन् । नयाँ वर्षको बिदा मनाउने क्रममा किम र रि राजधानी प्योङयोङस्थित मानसुडे आर्ट थियटरको एउटा कला प्रस्तुतिमा सहभागी भएको कोरियाली समाचार संस्था केसीएनएले जनाएको छ ।

उनी अन्तिम पटक ९ सेप्टेम्बरमा कुमासुसन प्यालेस अफ दी सनमा किमसँगै देखिएकी थिइन् । उत्तर कोरिया स्थापनाको वार्षिकोत्सवको अवसरमा किम र रि सो प्यालेसमा पुगेका थिए । कोरियाका संस्थापक किम इल सुङको मृत्युअघिसम्म सो प्यालेस उत्तर कोरियाली नेताको आवास थियो ।

‘स्वागत संगीतको धुनबीच नाट्यशालको सभाकक्षमा रिसँगै किम देखिएपछि दर्शकहरुले चर्को स्वरमा ‘हुर्रे’ भनेर ठूलो आवाज निकालेको केसीएनएले जनाएको छ । आकर्षक ढंगले दर्शकलाई हात हल्लाएपछि कलाकारसँग तस्बिर खिचाएर सो जोडी स्टेजमा पुगेको थियो ।

किमसँग सामाजिक, व्यापारिक र सैन्य कार्यक्रममा किम सँगै हिँडेपछि रिले अन्तर्राष्ट्रिय समुदायको ध्यानकर्षण गरेकी थिइन् । यसअघि किमका अग्रज तथा पिता किम जोङ इल सार्वजनिक कार्यक्रममा आफ्ना पत्नीसँग विरलै देखिन्थे ।

गत फेब्रुबरीमा एउटा कन्सर्टमा देखिनुअघि उनी एक वर्षभन्दा बढी समय सरकारी सञ्चार माध्यामबाट टाढा रहेकी थिइन् । उनको अनुपस्थितिलाई लिएर उनको स्वास्थ्यमा समस्या भएको अनुमान गरिएको थियो । कतिपयले उनी गर्भवती भएको अड्कल गरेका थिए । सम्भावित कोभिड संक्रमणबाट जोगिन उनी बाहिरी गतिविधिबाट टाढै रहेको दक्षिण कोरियाको राष्ट्रिय गुप्तचर सेवाले सांसदहरुलाई जनाएको थियो । उनी ‘आफ्ना सन्तानहरुसँग राम्रो गरिरहेको’ सो सेवाले जनाएको थियो ।

किम र रिका तीन ओटा सन्तान रहेका र उनीहरुका बारेमा खासै जानाकारी नभएको पनि सो सेवाको भनाई छ । कोभिड महामारी फैलिएको बारेमा उत्तर कोरियाले कुनै पुष्टि गरेको छैन् । तर,उसले सीमा बन्द गर्नुका साथै यात्रा प्रतिबन्ध लगाएको छ । एजेन्सी

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्