गायिका लता मंगेशकरको निधन



काठमाडौं । भारतकी प्रसिद्ध गायिका लता मंगेशकरको निधन भएको छ । मुम्बईको ब्रीच क्याण्डी अस्पतालमा आज बिहान उनको निधन भएको हो ।

उनको जन्म २८ सेप्टेम्बर १९२८ मा भएको थियो । उनले थुप्रै नेपाली गीतहरु पनि गाएकी छन् । हिन्दुस्तान टाइम्सका अनुसार मंगेशकरको शनिबार राति उपचारका क्रममा निधन भएको हो। उनी ९२ वर्षकी थिइन्।

केही दिनदेखि बिरामी परेकी मंगेशकरलाई अस्पताल भर्ना गरिएको थियो। उनलाई कोरोनाभाइरसको संक्रमण पनि देखिएको थियो।

आफ्नो जीवनकालमा मंगेशकरले ३६ भाषामा ३० हजार बढी गीत गाएकी थिइन्। मंगेशकरले नेपाली चलचित्रका लागि पनि गीत गाएकी थिइन्।

लता मंगेशकरको अवस्था नाजुक देखेर उनलाई आईसीयूमा भेन्टिलेटरमा राखिएको थियो । गत हप्ता उनको स्वास्थ्यमा सुधार आएपछि भेन्टिलेटरबाट निकालिएको खबर आएको थियो । । डाक्टरहरूले लता मंगेशकरको स्वास्थ्यको निरन्तर निगरानी गरिरहेका थिए तर बचाउन सकेनन।

लता मंगेशकरलाई भारतीय सिनेमाको सबैभन्दा सफल गायिका मानिन्छ। उनले १३ वर्षको उमेरमा आफ्नो गायन करियर सुरु गरेका थिए । उनले विभिन्न भारतीय भाषामा ३० हजारभन्दा बढी गीतमा स्वर दिएका छन् । उनलाई भारत रत्न बाहेक पद्मभूषण, पद्म विभूषण, दादासाहेब फाल्के पुरस्कार र भारत सरकारबाट धेरै राष्ट्रिय चलचित्र पुरस्कारले सम्मानित गरिएको छ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्