नारायणकाजी पछि भीम रावललाई फकाउन पुगे विप्लव, के भयो कुराकानी ?




काठमाडौ । एमसीसीका बारेमा पार्टीले लिएको निर्णय भन्दा फरक मत राख्ने नेताहरुलाई आफ्नो पक्षमा पार्न अहिले नेकपा महासचिव नेत्रविक्रम चन्द विप्लव दौडधुपमा ब्यस्त छन् । एमसीसीको विरोधमा उत्रिएकाहरुलाई उनले एकताको प्रस्ताव राख्दै दौडधुपमा लागेका छन् ।

नेकपा माओवादी केन्द्रका नेता नारायणकाजी श्रैष्ठलाई भनेका विप्लवका नेताहरुले एमाले नेता भीम रावललाई पनि भेटेका छन् । विप्लव सहित प्रवक्ता खड्गबहादुर विश्वकर्माले एमाले नेता भीम रावलाई भेटेका हुन् । बिहीबार बिहान नेता रावलनिवासमा नेताहरुबीच भेटवार्ता भएको हो ।

भेटमा एमसीसी र राष्ट्रिय स्वाधीनता रक्षाको पक्षमा एकताबद्ध भएर संघर्ष गर्ने विषयमा छलफल भएको विप्लवको सचिवालयले जनाएको छ । यसमा रावलले पनि सकारात्मक जवाफ दिएको सचिवालयको भनाइ छ । विप्लवले बुधबार माओवादी नेता नारायणकाजी श्रेष्ठ, नेकपा एसका नेता झलनाथ खनाललगायतलाई समेत भेटेका थिए ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्