चीनले ओलम्पिक राजनीतिकरण गर्यो, भारतले उद्घाटन र समापन समारोहमा भाग नलिने




नयाँ दिल्ली :

२०२२ शीतकालीन ओलम्पिकमा चीनले  टर्च रिलेका लागि गलवान झ’ड’पमा घाइते भएका पीएलए कमाण्डरलाई  छनोट गरेको सन्दर्भमा, भारतले बिहीबार बेइजिङले ओलम्पिक जस्तो कार्यक्रमलाई राजनीतिकरण गर्न गरेकोमा खेद प्रकट गरेको छ। भारतले ओलम्पिकको उद्घाटन वा समापन समारोहमा उपस्थित हुने छैन।

चिनले ओलम्पिकजस्तो कार्यक्रमलाई राजनीतिकरण गर्न खोजेको वास्तवमै खेदजनक छ। म तपाईंलाई जानकारी गराउन चाहन्छु कि बेइजिङस्थित भारतीय दूतावासका हाम्रा चार्ज डी अफेयर्स बेइजिङ २०२२ को उद्घाटन वा समापन समारोहमा सहभागी हुने छैनन्।,” विदेश मन्त्रालयका प्रवक्ता अरिन्दम बागचीले साप्ताहिक मिडिया ब्रीफिंगमा भने।

यस अघी चिनियाँ मिडियाले  गलवान झडपमा गम्भीर घाइते भएको पीएलए कमाण्डर बेइजिङ शीतकालीन ओलम्पिकमा मशाल वाहक बनेको जनाएको थियो। २०२२ शीतकालीन ओलम्पिक फेब्रुअरी ४ देखि २० सम्म बेइजिङमा हुनेछ। अमेरिका, यूके र क्यानडाले पनि कूटनीतिक बहिष्कारको घोषणा गरेका देशहरू छन्। एक अमेरिकी सांसदले बुधबार बेइजिङ २०२२ शीतकालीन ओलम्पिक टर्च रिलेका लागि पीएलए कमाण्डर छनोट गरेकोमा चीनको आलोचना गरेका हुन।

“बेइजिङले ओलम्पिक२०२२ को लागि मशाल बोक्ने व्यक्ति रोज्नु शर्मनाक हो। यो सन् २०२० मा भारतलाई आ’क्र’मण गर्ने र उइघुरहरू विरुद्ध जातीय सं’हार कार्यान्वयन गर्ने सैन्य आदेशको भाग हो। अमेरिकाले उइघुर स्वतन्त्रता र भारतको सार्वभौमिकतालाई समर्थन गरिरहनेछ,” अमेरिकी सीनेट विदेशी सम्बन्ध समितिका रैङ्क सदस्य एक रिपब्लिकन सेनेटर जिम रिशले भने।

भारतसँग भएको गल्वान भ्याली भिडन्तमा चीनले आफ्नो नोक्सानी लुकाइराखेको एक अष्ट्रेलियाली अनुसन्धानसम्बन्धी एक समाचारमा जनाइएको छ । नयाँ अनुसन्धानले देखाएअनुसार पीएलएले चार जनाको आधिकारिक गणनाभन्दा कम्तीमा नौ गुणा बढी सिपाहीहरू गुमायो। ‘द क्लक्सन’ को एउटा लेखअनुसार द्रुत गतिमा बग्ने, उप-शून्य नदी पार गर्दा कम्तीमा ३८ जना पीएलए सैनिकहरू डुबे। एक वर्ष लामो अनुसन्धानपछि सोशल मीडिया अनुसन्धाताहरूको एउटा समूहले तयार पारेको रिपोर्टलाइ उद्धृत गरिएको थियो।

उक्त रिपोर्टले  चिनियाँ ब्लगरहरूसँग छलफल, स्थानीय चिनियाँ नागरिक र चिनियाँ अधिकारीहरूले मेटिदिएका मिडिया रिपोर्टबाट प्राप्त जानकारी समावेश भएको एक वर्ष लामो जाँच लाई उद्धृत गरेको थियो । (ANI)

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्