निर्वाचनको मुखमै आयोगले माधव नेपाललाई पठायो यस्तो पत्र, ३ दिन भित्र जवाफ बुझाउन निर्देशन



काठमाडौ । चुनावको मुखमै माधव कुमार नेतृत्वको नेकपा (एकिकृत समाजवादीलाई निर्वाचन आयोगले स्पष्टिकरण सोधेको छ । तीन दिन भित्र जवाफ बुझाउन माधवकुमार नेपाल नेतृत्वको नेकपा (एकीकृत समाजवादी) लाई आयोगले पत्र पठाएको हो ।

सो पार्टीलाई निर्वाचन आचारसंहिता उल्लंघन गरेको आरोप लगाउँदै विषयमा तीन दिनभित्र जवाफ बुझाउन निर्देशन दिएको छ। सोमबार नियमित पत्रकार सम्मेलनमा आयोगका प्रवक्ता शालिग्राम शर्मा पौडेलले समाजवादी पार्टीलाई जवाफ पेस गर्न ध्यानाकर्षण गराइएको बताए।

समाजवादीले चैत २६ गते भृकुटीमण्डपमा आमसभा आयोजना गरेको थियो। आमसभामा आचारसंहिता उल्लंघन भएको गुनासो आमसञ्चार माध्यम र सामाजिक सञ्जालबाट आएको पौडेलले बताए। आचारसंहिता उल्लंघन गरेकोबारे प्रमाणसहित चित्तबुझ्दो जवाफ दिन निर्देशन दिइएको छ,’ पौडेलले भने।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्