निर्देशकले किन दिँदैनन् मोडललाई पारिश्रमिक, उषा उप्रेती भन्छिन् ‘लाखौँ लिन बाँकी छ, फोन नै उठाउँदैनन्’



काठमाडौँ । नेपाली म्यूजिक भिडियोको क्षेत्रमा पारिश्रमिक लिने समस्या बेला बेलामा बल्झिँदै आएको छ । पारिश्रमिक नदिई काम गराउने र कम गरिसकेपछि निर्माता निर्देशकले फोन नै नउठाउने बानीले धेरै मोडलहरु समस्यामा पर्ने गरेका छन् ।

जसको पछिल्लो उदाहरण हुन् मोडल उषा उप्रेती । लकडाउनपछि टिकटकबाट उदाएका अधिकांश मोडलहरु हराइसक्दा उषा भने भिडियोमा नै जमेकी छिन् ।

तर पारिश्रमिक नपाउँदा उषा भने समस्यामा परेकी छिन् । थुप्रै भिडियोको पारिश्रमिक नउठेपछि उषाले गुनासो गर्दै यो समस्यामा मिडियाकर्मीलाई सुनाउन भ्याएकी छिन् । उनले आफ्नो समस्या राख्दै भनिन् ‘सुरुमै पारिश्रमिक माग्यो भने तिमी को हौं, नायिका हौं र भनेर उल्टै प्रश्न गर्ने र काम गरिसकेपछि पारिश्रमिक नै नदिने निर्माताको बानीले आँफु दिक्क भएको बताइन् ।

भिडियोको काम सकिएपछि फोन गर्दा महिनौ फोन नउठाउने निर्माता निर्देशकहरुका कारण आँफु हैरान बनेको बताउँछिन् । उषाले अहिलेसम्म आफ्नो २ लाख भन्दा बढी पारिश्रमिक लिन बाँकी रहेको बताइन् । यद्यपी अहिलेसम्म भने उषाले आँफुलाई पारिश्रमिक नदिने निर्माता निर्देशकको नाम भने खुलाएकी छैनन् ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्