काठमाडौँको जाममा एकै नम्बरमा दुई मोटरसाइकल फेला परेपछि सबै हेरेको हेरै भए, दुबै बाइकका चालकलाई समात्न प्रहरीले दियो निर्देशन



काठमाडौं १५ असार ।

काठमाडौं स्थित गौशाला चोकको जाममा एकै नम्बरमा दुई मोटरसाइकल फेला परेका छन् । पानी परिरहेको अवस्थामा बिहिबार बिहान ति दुवै मोटरसाइकल गौशाला चोक रोकिएका हुन् ।

रेनकोट ओढेका दुई व्यक्ति एउटै नम्बर प्लेटका दुई मोटरसाइकलमा बसिरहेका थिए । दुई सवारीचालक एक–अर्काको नम्बर प्लेट हेर्दै कुराकानी गरिरहेको प्रतक्षय दर्शीले बताए ।

तस्विरमा दुबै मोटरसाइकलको नम्बर प्लेटमा बागमती प्रदेश ०२२ प २३८० लेखिएको स्पष्ट देखिन्छ । ट्राफिक प्रहरीले भने यस विषयमा जहाँ पनि त्यो नम्बर प्लेटका मोटरसाइकल देखिएमा समात्न तीनवटै जिल्लामा निर्देशन दिइसकेको बताएको छ ।

यस्तो हुनुको अर्थ या विभागबाटै त्रुटि भएको हुनसक्ने यता दुईमध्ये एक मोटरसाइकल चालकले नक्कली नम्बर प्लेट बनाएको हुन सक्ने प्रहरीले जनाएको छ । यति बेला यो फोटो भाइरल बनेको छ ।

काठमाडौँमा १४ जनामा हैजा देखियो,एक जनाको अवस्था अत्यन्त जटिल देखिएपछि आइसियूमा राखेर उपचार गरिदै : काठमाडौँ उपत्यकामा १४ जनामा हैजा देखिएको छ । गृह मन्त्रालयमा आज आयोजित मौसम पूर्वतयारी तथा प्रतिकार्य बैठकमा इपिडेमियोलोजी तथा रोग नियन्त्रण महाशाखाका निर्देशक डा चुमनलाल दासले १४ जनामा हैजा देखिएको र उहाँहरू उपचारपश्चात् घरफर्कनु भएको जानकारी दिनुभयो ।

हैजाका दुई बिरामीको टेकुस्थित शुक्रराज ट्रपिकल तथा सरुवा रोग अस्पतालमा उपचार भइरहेको छ । उहाँहरूको अवस्था सामान्य छ । हैजाका पहिलो बिरामीको अवस्था अत्यन्त जटिल देखिएपछि सघन उपचार कक्ष ९आइसियू०मा राखेर उपचार गरिएको उहाँले जानकारी दिनुभयो ।

नेपालमा पछिल्लो २४ घण्टामा थपिए ६२ जना कोरोना संक्रमित:नेपालमा पछिल्लो २४ घण्टामा थप ६२ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार १ हजार ८ जनाको पीसीआर परीक्षण गर्दा ५१ र ६१२ एन्टिजेन परीक्षण गर्दा ११ जनामा संक्रमण पुष्टि भएको हो ।

यससँगै देशभर सक्रिय संक्रमितको संख्या २६१ पुगेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोनाबाट कसैको पनि मृत्यु भएको छैन ।

हालसम्म कोरोनाबाट ११ हजार ९५२ जनाले ज्यान गुमाएका छन् । बुधबार १९ जना कोरोना संक्रमणमुक्त भएको मन्त्रालयले जनाएको छ ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्