यसरी नचाहँदा नचाहँदै पनि खाडीमा जान बाध्य छन् नेपाली युवाहरु, हेर्नुहोस् भिडियो



काठमाडौं ।

टेलिश्रृंखला परदेशी हजुरको दोस्रो भाग सार्वजनिक भएको छ ।

पहिलो भागलाई दर्शकले निकै रुचाएका बेला निर्माण यूनिटले दोस्रो भाग पनि सार्वजनिक गरेको छ ।

बढ्दो बेरोजगारी र गरिबीका कारण कैयौँ युवाहरु गाउँमा बस्नै नसक्ने अवस्थाकाबीच विदेश पहलायन हुनु आम युवाहरुको बाध्यतालाई नजिकबाट केलाइएको टेलिशृंखलामा चर्चित कलाकार शुभेच्छा थापा पनि यो साताबाट शृखलामा देखिएकी छिन् ।

राजु गिरीको निर्देशनमा तयार भएको टेलिश्रृंखला शेभेच्छाका अलावा बिक्रम बस्नेत, राजु गिरी, धर्मेन्द्र आचार्य, अस्मिता बस्नेत, आशा भुषाल, नारायण खाती, हिरा श्रेष्ठ, पुरुसोत्तम ढुंगाना लगायतका कलाकारहरूको अभिनय देख्न सकिन्छ ।

५२ भागसम्म प्रसारण्मा आउने टेलिश्रृंखलाका निर्माता हुन् गायक सुभाष पुरी । निर्देशक गिरीकै लेखन रहेको श्रृंखलामा विष्णु निराकरणको छायांकन छ ।

टेलिश्रृंखला हरेक शनिबार मेघा टेलिभिजनबाट साढे ८ बजे र परदेशी हजुर नामक युट्युबबाट साढे ६ बजे प्रसारणमा हुनेछ । सार्वजनिक टेलिश्रृंखलाको गीत समीक्षा अधिकारीले गाएकी हुन् भने गीतमा शब्द सृजना राजु बस्नेतको छन् । सुमन केसीको एरेन्ज रहेको गीतको संगीत संयोजन चन्द्र चौधरीको रहेको छ भने गीतमा संगीत नवीन कार्कीको छ ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्