मकवानपुरमा जन्ती हिँडेको ट्याक्टर दुर्घटना, १ जनाको मृत्यु



हेटौंडा, १९ असार :

मकवानपुरको बागमती गाउँपालिका वडा नम्बर ७ स्थित धरान चतरा सडकखण्डमा जन्ती हिँडेको ट्याक्टर दुर्घटना भएको छ । हेटौंडा–सिन्धुली सडकखण्ड अन्तर्गत बागमती–७ मा ट्याक्टर दुर्घटना हुँदा १ जनाको मृत्यु भएको छ ।

आइतबार दिउँसो ४ बजेर ३० मिनेटको समयमा बागमती–९, बेतिनीबाट दुलही लिएर सिन्धुलीतर्फ जाँदै गरेको ना ६ त ८०७३ नम्बरको ट्याक्टर अनियन्त्रित भई दुर्घटना भएको स्थानीयको भनाई रहेको छ ।

दुर्घटनामा एक बालिकाको घटनास्थलमै मृत्यु भएको थियो । दुर्घटनामा घाइते भएकाहरुको हेटौंडास्थित सरकारी तथा निजी अस्पतालमा उपचार भइरहेको छ ।

आँफुलाई पार्टीबाट हटाउने ५ नेतालाई वामदेव गौतमले यसरी दिए दनक : नेपाल कम्युनिस्ट पार्टी राष्ट्रिय एकता अभियानका संयोजक बामदेव गौतमले आफुमाथि कारवाही गर्ने सबैलाई निष्काशन गर्ने भएका छन् ।

गौतममाथि पाँच जनाले शनिबार पाँच आरोप लगाई पार्टीको संयोजकबाट हटाएका थिए । यता गौतमले पनि पाँचैजना हस्ताक्षर गर्नेहरुलाई निस्कासन गरेको बताएका छन् ।

यदि उनीहरुले आफुले गरेको कार्य गलत भएको भन्दै रियालाइज गरे कारवाहीबारे पुनर्विचार समेत गर्न सकिने बताएका छन् । शनिबार गौतमको स्थानमा संयोजक युवराज सफललाई नियुक्त गरिएको थियो ।

गौतमले सफल भन्ने व्यक्ति अत्यन्त घातक र नेपालको निम्ति जुनसुकै बेला जस्तो पनि काम गर्नसक्ने मान्छे भएको बताएका छन् ।

‘यति लामो समयको कम्युनिस्ट आन्दोलनमा यस्तो खालको ब्यक्ति फेला पारियो, जसमा मैले विश्वास गरेँ अहिले उल्टो क्रियाकलाप गर्नुभयो।’ गौतमले भने ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्