भारतले श्रीलंकालाई ४० हजार मेट्रिक टन डिजेल सहयोग गर्दै



श्रीलंकाको आर्थिक संकटसँग लड्न भारतको सहयोगलाई निरन्तरता दिँदै, भारतीय सहयोगमा थप ४०००० मेट्रिक टन डिजेलको ढुवानी बिहीबार कोलम्बो आइपुगेको छ।

चरम आर्थिक संकटबाट गुज्रिरहेको छिमेकी राष्ट्रलाई भारतले सहयोगको हात बढाउँदै आएको छ । भारतले मानवीय सहायता, खाना पकाउने ग्यास, ठूलो परिमाणमा इन्धन र औषधि आपूर्तिको जहाज बोकेर पैसाको अभावमा परेको श्रीलंका सरकारलाई उद्धार गर्न कैयौं अर्ब अमेरिकी डलर बराबरको सहायता पठाएको छ।

यसैबीच, प्रधानमन्त्री नरेन्द्र मोदीले यसअघि श्रीलंकालाई भारतले सम्भावित सबै सहयोग उपलब्ध गराएको र छिमेकी देशका जनताको साथमा उभिरहने बताएका थिए ।

यसैबीच, श्रीलंकाले चामलको मूल्यमा कुनै पनि असामान्य वृद्धिलाई रोक्न भारतीय ऋण सहायता कार्यक्रम अन्तर्गत ५०००० मेट्रिक टन चामल आयात गर्ने निर्णय गरेको छ, श्रीलंकाको प्रधानमन्त्री रनिल विक्रमासिङ्घेले बिहीबार बताएका थिए ।

यसका लागि आवश्यक रकम भारतीय ऋण सहायता कार्यक्रमअन्तर्गत स्टेट ट्रेडिङ कर्पोरेशनलाई विनियोजन गर्न प्रधानमन्त्री कार्यालयमा भएको छलफलपछि उक्त निर्णय गरिएको प्रधानमन्त्री रनिल विक्रमासिङ्घेको सञ्चार महाशाखाले जनाएको छ ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्