मेयर हर्क प्रश्न गर्छन् ‘यो क्षेत्रका जनप्रतिनिधिहरु ज्युँदैछन कि मरिसके ?’



काठमाण्डौँ ।

सुनसरीको धरान उपमहानगरपालिकाका स्वतन्त्र मेयर हर्क साम्पाले तुइन समस्या समाधानमा जनप्रतिनिधि गम्भिर नभएकोप्रति कडा आपत्ति जनाएका छन् । आइतबार आफ्नो फेसबुकमा नेपालको तुइन समस्या र सर्वसाधारणको बाध्यता देखाउने एक तस्विर सार्वजनिक गर्दै उनले कडा आपत्ती जनाएका हुन् । उनी लेख्छन् ‘यो क्षेत्रका जनप्रतिनिधिहरु ज्युँदैछन कि मरिसके? बेस्सरी गाली गर्नु मन लाग्छ यस्तो देख्दा, तर के गर्नु फेरि कुल्ली मेयर भनेर नाम पाएको छु । त्यसमा अराजक कुल्ली मेयर भनेर संशोधन होला भन्ने पिर !’

फोटोमा एक महिला ठुलो खोलामाथि तुइन्मा झुडिएर जोखिमपूर्ण यात्रा गरिरहेको देखिन्छ । मुख्यगरी सुदुरपश्चिम र कर्णालीका जनतामा यस्तो समस्या र बाध्यता छ । लामोसमय यही मुद्धालाई चुनाव जित्ने अष्त्र बनाए पनि चुनाव जितिसकेपछि जनप्रतिनिधिहरुले समस्यामाथि वेवास्ता गर्ने गरेका छन् । यो समस्याले बर्षेनी निर्दोष जनताले अनाहकमा ज्यान गुमाउनु पर्ने बाध्यता छ । यो समस्यामाथि राज्य पनि गम्भिर बन्नु पर्नेमा त्यति गम्भिर भएको पाइँदैन ।

यो पनि, बैतडी र दार्चुला जिल्लाको सीमा बजार गोकुलेश्वर दार्चुला जिल्लाकाे दोस्राे ठुलो सहर हाे । यहाँ डिग्री कलेज, बोर्डिग तथा सरकारी स्कुलहरू, कृषि कलेज, एक दर्जनभन्दा बढी बैंक तथा वित्तीय संस्थाका साखा, विशेषज्ञ डाक्टरसहितको अस्पताल, निर्माणाधीन एयरपोर्ट, शैल्यशिखर नगरपालिकासहित एक दर्जन सरकारी कार्यालय छन् । निकै व्यस्त व्यापारिक केन्द्रका रुपमा रहेको यस बजारमा केही सुविधा सम्पन्न होटल तथा पसल पनि छन् ।

सुविधायुक्त शहरकाे रूपमा विकास हुँदै गइरहे पनि गाेकुलेश्वरमा खानेपानीकाे समस्या भने विकराल छ । महाकाली राजमार्ग छेउमा रहेको गोकुलेश्वर बजारको तलपट्टी चौलानी नदी छ । तर, बजारमा खानेपानीको सधैँ समस्या छ । गाेकुलेश्वर बजारका व्यापारीहरू चार किलोमिटर टाढाबाट पानी ल्याएर गुजारा गरिरहेका छन् भने सरकारी निकाय पानी व्यवस्थापनमा मौन छ । बैतडी घर भएका व्यापारी महेश नाथले भने, ‘हाेटल सञ्चालनका डेढ किलोमिटर पाइप जोडेर घरैबाटै पानी ल्याएको छु ।’ अर्का व्यापारी मोहनसिंह भण्डारीले अढाई किलोमिटर टाढा रहेको सिन्याडी खोलाबाट निजि लगानीमा पानी ल्याएको बताए ।

निजी लगानीमा धारा बनाउन नसक्नेहरूले भने चौलानी नदीकै दुषित पानी प्रयोग गरिरहेका छन् । १० बर्षअघि आग्री गाडखोलाबाट गोकुलेश्वर बजारमा पानी ल्याइएकोमा उक्त योजना पूरा नहुँदै बिग्रिएको स्थानीय तिलक धामीले बताए । गोकुलेश्वर बजारका करिब दुई दर्जन व्यापारीले आ–आफ्नै तरिकाले पानी ल्याएर प्रयोग गर्दा मुहानहरू क्षयीकरण हुन लागेको नागरिक अगुवा सुरेश श्रेष्ठ बताउँछन् । उनले भने, ‘व्यवस्थित रुपले पानीको प्रयोग नगर्दा मुहान सखाप हुन्छ । बढी पानी ल्याएका व्यक्तिको धाराबाट दिनभर खेर गइरहन्छ । तर, बजारमा ल्याएर पानी खेर जानुभन्दा मुहानमै बगे मुहान सुक्नबाट बच्नेथियो । अन्धाधुन्द प्रयोग गरिँदा भविष्यमा मुहान नै सखाप हुन्छ । त्यसैले खानेपानीको व्यवस्थित योजना बनाउनु जरुरी छ ।”

गोकुलेश्वर बजारको खानेपानी व्यवस्थित गर्न आगामी आर्थिक बर्षका लागि ल्याइएको नीति तथा कार्यक्रममा समेटिएको नगरपालिकाले जनाएको छ । नगरपालिका स्तरीय खानेपानी समन्वय समितिले उक्त कार्यविधि तयार गर्ने शैल्यशिखर-५ का वडाअध्यक्ष जनक डाँगाले बताए । ‘नीति तथा कार्यक्रममा समावेश गरेका छौँ, समन्वय समितिले कार्यविधि तयार गरेपछि कार्यक्रम अगाडि बढाउछौँ,’ उनले भने । यसअघि पाँच वर्षे कार्यकाल बिताएको निर्वतमान नगर सरकारले गोकुलेश्वर बजार व्यवस्थित गर्न कुनै चासो नदेखाएको स्थानियबासीको गुनासो छ ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्