हास्य टेलिसिरियल ‘मेरी बास्सै’छाडे दमन रुपाखेतीले,कारण यस्तो



काठमाडौं :

कलाकार दमन रुपाखेतीले हास्य टेलिसिरियल ‘मेरी बास्सै’को निर्देशकबाट हात झिकेका छन् । ‘प्रोडक्सन टिमसँगको असमझदारीले सिरियल छाडेको कलाकार दमनले बताए ।

निर्माण कम्पनी मिडिया हबसँग सम्बन्ध छैन भन्दै उनले मंगलबारको एपिसोडबाट आफू ‘मेरी बास्सै’बाट अलग भएको बताए । मिडिया हबका सञ्चालक सोम धितालको दबाब थेग्न नसकेर रुपाखेतीले ‘मेरी बास्सै’ छाडेको बताइएको छ । यो सिरियल नेपाल टेलिभिजनबाट प्रसारण हुँदै आएको छ ।उनले केही समयदेखि हास्य टेलिसिरियल ‘मेरी बास्सै’को निर्देशन गरिरहेका थिए ।

हिमालयनमा गाभिने भयो सिभिल बैंक:हिमालयन बैंकले सिभिल बैंक लिमिटेड प्राप्ति गर्ने भएको छ । बुधबार हिमालयन बैंकका अध्यक्ष प्रचण्डबहादुर श्रेष्ठ र सिभिल बैंकका अध्यक्ष प्रतापजंग पाण्डेले यससम्बन्धी प्रारम्भिक समझदारीपत्रमा हस्ताक्षर गरेका हुन् ।

दुवै बैंकबीच भएको समझदारीअनुसार हिमालयन बैंकले अब सिभिल बैंकको सेयर प्रतिकित्ता ८१ रुपैयाँका आधारमा कारोबार गर्नेछ ।

प्राप्तिपछि बैंकको नाम हिमालयन बैंक नै रहनेछ । सञ्चालक समिति हिमालयन बैंककै रहने गरी भएको समझदारीअनुरूप समिति अध्यक्ष प्रचण्डबहादुर श्रेष्ठ र प्रमुख कार्यकारी अधिकृत अशोकशमशेर राणा बन्नेछन् ।

हाल हिमालयन बैंकको चुक्तापुँजी १२ अर्ब ९६ करोड तथा सिभिल बैंकको नौ अर्ब सात करोड रुपैयाँ छ । १००ः८१ का दरले पुँजी समायोजन हुँदा सिभिलको करिब सात अर्ब ३५ करोड रुपैयाँ हुनेछ । यसअनुसार नयाँ बन्ने बैंकको पुँजी २० अर्ब ३० करोड रुपैयाँभन्दा माथि हुने देखिएको छ ।

लगानीतर्फ हिमालयन बैंकको एक खर्ब ५८ अर्ब र सिभिल बैंकको ८६ अर्ब ७४ करोड रुपैयाँ छ । निक्षेपतर्फ हिमालयन बैंकको एक खर्ब ७२ अर्ब तथा सिभिल बैंकको ९३ अर्ब ३३ करोड रुपैयाँ रहेको जनाइएको छ ।

हिमालयन बैंकले सिभिल बैंकलाई प्राप्ति गरेपश्चात् बैंकको कुल शाखा संख्या १८९ पुग्नेछ । यस कदमले संस्थाको पुँजी वृद्धि, कार्य क्षेत्र तथा कार्यक्षमतामा उल्लेख्य प्रगति हुने हिमालयन बैंकका अध्यक्ष प्रचण्डबहादुर श्रेष्ठले बताए ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्