तीन ओटा मोटरसाइकल एक आपसमा ठोक्किँदा राम र बाबुलालको मृत्यु, ३ जना घाइते



बाँके – बाँके जङ्गलमा तीन ओटा मोटरसाइकल एक आपसमा ठोक्किँदा दुई जनाको ज्यान गएको छ । ज्यान जानेमा वीरगञ्ज महानगरपालिका–२३, पोखरीयाटोलका ३६ वर्षका राम लोचन पटेल र पर्स मिर्जापुर–१ घर भइ जिल्ला प्रहरी कार्यालय सप्तरीमा कार्यरत प्रहरी हवल्दार ३८ वर्षीय बाबुलाल प्रसाद साह रहेको प्रहरीले जनाएको छ ।

त्यस्तै दुर्घटनामा ३ जना घाइते भएका छन् । दुर्घटनामा घाइते भएका पर्सा वीरगञ्ज महानगरपालिका–२३ सबैठवा घर भएका २४ वर्षीय सोनेलाल प्रसाद यादव, सिरहाको कर्जन्हा नगरपालिका–११ बस्ने वर्ष ५० का चन्देश्वर महतो र महतोकै श्रीमती ४५ वर्षीया जयन्ती कुमारी महतोको स्थानीय अस्पतालमा उपचार भइरहेको छ ।

प्रदेश २–०२–००३ प ९१७८ नम्बरको मोटरसाइकल र प्रदेश २–०३–०१७ प ७१८७ नम्बरको मोटरसाइकल र स ९ प १५९१ नम्बरको मोटरसाइकल ठोक्किएका थिए ।

नोट : etajakhabar मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई [email protected] मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।
प्रतिक्रिया दिनुहोस्